کراچی  کی علاقے ٹیپو سلطان روڈ پر گارڈ کی فائرنگ  سے بچہ جاں بحق

پولیس نے سیکیورٹی گارڈکو گرفتار کرکے ظابطے کی کارروائی شروع کردی ہے۔ فوٹو؛ فائل

---

ٹیپو سلطان روڈ پر سیکیورٹی گارڈ کی فائرنگ کے باعث بچہ جاں بحق ہوگیا جب کہ پولیس نے گارڈ کو حراست میں لے لیا ہے۔

ایکسپریس نیوز کے مطابق کراچی کے علاقے ٹیپو سلطان روڈ پر نجی سیکیورٹی کمپنی کے گارڈ کی فائرنگ سے 11 سالہ بچہ جاں بحق ہوگیا ہے۔ پولیس کا کہنا ہے کہ بچہ علاقے میں کھیل رہا تھا اور ماسک پہن کر دوسرے بچوں کو ڈرارہا تھا جس پرسیکیورٹی گارڈ نے اس کوروکا تاہم سیکیورٹی گارڈ صرف بچے کو ڈرانا چاہتا تھا لیکن اس سے اچانک گولی چل گئی جو بچے کو جالگی۔

جاں بحق ہونے والے بچے کی شناخت علی کے نام سے ہوئی ہے جبکہ سیکورٹی گارڈکی جانب سے فائرنگ کے واقعے کے بعد بچے کے اہل خانہ نے شدید احتجاج کیا تاہم پولیس نے سیکیورٹی گارڈ کوگرفتارکر کے ضابطے کی کارروائی شروع کردی ہے۔