بلوچستان کے مختلف علاقوں میں زلزلے کے جھٹکے

زلزلے کی شدت ریکٹر اسکیل پر 5.6 ریکارڈ کی گئی تاہم کسی جانی نقصان کی اطلاع نہیں ملی۔ فوٹو؛ فائل

---

FAISALABAD: بلوچستان کے مختلف علاقوں میں زلزلے کے جھٹکے محسوس کیے گئے جس سے لوگوں میں شدید خوف و ہراس پھیل گیا تاہم ابتدائی طور پر کسی جانی نقصان کی اطلاع نہیں ملی۔

ایکسپریس نیوز کے مطابق بلوچستان کے علاقے خضدار، قلات اور ان سے ملحقہ علاقوں میں زلزلے کے شدید جھٹکے محسوس کیے گئے جس سے لوگوں میں شدید خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے تاہم زلزلے سے ابتدائی طور پر کسی جانی نقصان کی اطلاع نہیں ملی۔

زلزلہ پیما مرکز کے مطابق زلزلے کی شدت ریکٹر اسکیل پر 5.6 ریکارڈ کی گئی اور اس کی گہرائی سطح زمین کے نیچے 10 کلو میٹر تھی جب کہ زلزلے کا مرکز خضدار سے 15 کلومیٹر دور مغرب کا علاقہ بتایا جارہا ہے۔