کراچی میں اندرونی اور بیرونی عناصر حالات خراب کررہے ہیں احمد چنائے

سی پی ایل سی چیف احمد چنائے نے کہا ہے کہ کراچی میں اندرونی اور بیرونی عناصر حالات خراب کررہے ہیں ۔


ایکسپریس نیوز سے خصوصی بات کرتے ہوئے احمد چنائے نے کہا کہ شہر کی موجودہ صورت حال کی جتنی مذمت کی جائے کم ہے۔ فائرنگ سے بے گناہ شہری مارے جارہے ہیں۔ وہ عوام سے اپیل کرتے ہیں کہ موجودہ حالات میں پر امن رہیں تاکہ شہر کے حالات کو بہتر کیا جاسکے۔
سی پی ایل سی کے سربراہ کا کہنا تھا کہ شہر کے امن کے لئے موثر حکمت عملی انتہائی ضروری ہے۔ شہر کے حالات کو قابو میں کرنے کے لئے سڑکوں پر اہلکاروں کا گشت بڑھانا ہوگا۔
واضح رہے کہ کراچی کے مختلف علاقوں میں گزشتہ2 روز کے دوران 30 سے زائد افراد فائرنگ کا شکار ہوکر اپنی زندگیوں سے ہاتھ دھو بیٹھے ہیں۔