کراچی میں گلشن اقبال تھانے پر کریکر حملہ

کریکر حملے میں کوئی جانی نقصان نہیں ہوا، ڈی ایس پی ناصر لودھی، فوٹو؛ آن لائن

---

PARIS: گلشن اقبال تھانے پر نامعلوم موٹر سائیکل سوار ملزمان نے کریکر حملہ کیا اور فائرنگ کرتے ہوئے فرار ہوگئے جس سے علاقے میں شدید خوف و ہراس پھیل گیا۔

ایکسپریس نیوز کے مطابق کراچی کے علاقے گلشن اقبال کے تھانے پر موٹرسائیکل پر سوار نامعلوم افراد نے کریکر حملہ کردیا اور فائرنگ بھی کی۔ ڈی ایس پی ناصر لودھی کے مطابق موٹرسائیکل پر سوار ملزمان نے تھانے پر کریکر حملہ کیا جس کےبعد پولیس کی جانب سے ہوائی فائرنگ کی گئی تو ملزمان بھی فائرنگ کرتے ہوئے فرار ہوگئے۔ ڈی ایس پی ناصر لودھی کے مطابق واقعے میں کوئی جانی نقصان نہیں ہوا جب کہ ملزمان کی تلاش شروع کردی گئی ہے۔