آرمی چیف نے پاکستان میں ’’را‘‘ کی مداخلت پر ایرانی صدر کو اپنی تشویش سے آگاہ کردیا

بھارتی خفیہ ایجنسی ’’را‘‘ پاکستان میں مداخلت کے لیے بعض اوقات ایرانی سرزمین بھی استعمال کرتی ہے، جنرل راحیل شریف، فوٹو؛ آئی ایس پی آر

---

آرمی چیف جنرل راحیل شریف نے ایرانی صدر حسن روحانی کو پاکستان میں بھارتی خفیہ ایجنسی ''را'' کی مداخلت سے اپنی متعلق تشویش سے آگاہ کردیا۔

پاک فوج کے شعبہ تعلقات عامہ آئی ایس پی آر کی جانب سے جاری اعلامیے کے مطابق آرمی چیف جنرل راحیل شریف سے ایران کے صدر حسن روحانی سے جی ایچ کیو میں ملاقات کی جس میں خطے کی صورتحال اور دونوں ممالک کے تعلقات پر تبادلہ خیال کیا گیا جب کہ اس دوران دونوں ممالک کے درمیان سرحدوں کی حفاظت کے معاملے پر بھی بات چیت کی گئی۔

#COAS highlighted challenges being faced by Pak&discussed involvement of RAW in Pak's internal affairs specially in Balochistan-3

— Gen(R) Asim Saleem Bajwa (@AsimBajwaISPR) March 26, 2016

ترجمان پاک فوج کے مطابق آرمی چیف جنرل راحیل شریف نے ایرانی صدر حسن روحانی کے سامنے بلوچستان میں بھارتی خفیہ ایجنسی ''را'' کی مداخلت کا معاملہ اٹھایا جب کہ اس موقع پر آرمی چیف کا کہنا تھا ہمیں ''را'' کی پاکستان میں مداخلت پر تشویش ہے، ''را'' خاص طورپر بلوچستان میں مداخلت کررہی ہے جب کہ بھارتی خفیہ ایجنسی پاکستان میں مداخلت کے لیے بعض اوقات ایرانی سرزمین بھی استعمال کرتی ہے۔ آرمی چیف کا ایرانی صدر سے کہنا تھا کہ ہماری درخواست ہے کہ بھارت کی سرگرمیاں روکنے کو کہا جائے اور پاکستان کو استحکام حاصل کرنے دیا جائے۔

Part Text COAS's conversation with Iran's President in today's mtng;"There is one concern that RAW is involved in Pak,spec Bln&sometimes-1

— Gen(R) Asim Saleem Bajwa (@AsimBajwaISPR) March 26, 2016

also use the soil of our brother country,Iran.I request,they should be told to stop these activities &allow Pakistan to achieve stability"-2

— Gen(R) Asim Saleem Bajwa (@AsimBajwaISPR) March 26, 2016

 

ترجمان پاک فوج کے مطابق آرمی چیف سے ملاقات میں ایران کے صدر حسن روحانی نے پاک فوج کی پیشہ ورانہ مہارت کی تعریف کی اور دہشت گردوں کے خلاف جاری آپریشن ضرب عضب کی کامیابی کو سراہا۔

 



واضح رہے کہ ایرانی صدر حسن روحانی نے آرمی چیف سے ملاقات کے دوران بھارتی خفیہ ایجنسی ''را'' کی مداخلت سے متعلق بات چیت کی تردید کی تھی جس میں ان کا کہنا تھا کہ جنرل راحیل شریف نے ''را'' سے متعلق کوئی بات نہیں کی۔