جنید جمشید سے بدسلوکی پولیس نے اسلام آباد ایئرپورٹ حکام سے سی سی ٹی وی فوٹیج مانگ لی

جنید جمشید کو گزشتہ رات بے نظیر ایئرپورٹ پر تشدد کا نشانہ بنایا گیا تھا فوٹو: فائل

---

بے نظیر انٹرنیشنل ایئرپورٹ پر گزشتہ رات جنید جمشید سے بدسلوکی پر پولیس نے ایئرپورٹ حکام سے سی سی ٹی وی فوٹیج مانگ لی ہے۔

ایکسپریس نیوز کے مطابق جنید جمشید نے گزشتہ رات بے نظیر انٹرنیشنل ایئرپورٹ پر تشدد کا نشانہ بنائے جانے کے بعد ایئرپورٹ پولیس اسٹیشن میں مقدمے کے اندراج کی درخواست دے دی ہے۔ جنید جمشید نے اپنی درخواست میں کہا ہے کہ ایئرپورٹ کے اندر ان پر 7 سے 8 لوگوں نے حملہ کیا اور نازیبا زبان استعمال کی، اگر ملزمان سامنے لائے گئے تو وہ حملہ کرنے والوں کو پہچان سکتے ہیں۔



دوسری جانب جنید جمشید نے واقعے کے بعد سماجی رابطے کی ویب سائیٹ ٹوئٹر پر اپنی ٹوئٹ میں کہا تھا کہ ان پر حملہ کرنے والے مسلمان تھے اس لیے وہ انہیں بد دعا بھی نہیں دے سکتے۔

I wish I wasn't travelling alone. A little distressed with what happened. Musalman the is liye bad'dua bhi na kr saka inke liye

— Junaid Jamshed (@JunaidJamshedPK) March 26, 2016

واضح رہے کہ گزشتہ رات جنید جمشید کراچی سے قومی ایئر لائن کی پرواز پی کے 372 کے ذریعے بے نظیر بھٹو ایئرپورٹ پہنچے تھے جہاں چند افراد نے انہیں تشدد کا نشانہ بنایا تھا۔ اے ایس ایف کمانڈوز نے جنید جمشید کو اپنی حفاظتی تحویل میں پولیس اسکواڈ کے ساتھ گھر روانہ کیا تھا۔