آرمی چیف کی انٹیلی جنس ایجنسیوں کو لاہور دھماکے کے ذمہ داروں کا پتہ لگانے کی ہدایت

آرمی چیف کی زیرصدارت اجلاس میں ڈی جی آئی ایس آئی اورڈی جی ایم آئی نے بھی شرکت کی. فوٹو:فائل

---

آرمی چیف جنرل راحیل شریف کی زیر صدارت اہم اجلاس ہوا جس میں سربراہ پاک فوج نے خفیہ اداروں کو لاہور دھماکے کے ذمہ داروں کا پتہ لگانے کی ہدایت کی۔

آئی ایس پی آر کے مطابق لاہور کے گلشن اقبال پارک کے قریب خودکش حملے کے بعد آرمی چیف جنرل راحیل شریف کی زیرصدارت اعلی سطح کا اجلاس ہوا جس میں ڈی جی آئی ایس آئی لیفٹیننٹ جنرل رضوان اختر، ڈی جی ایم آئی سمیت دیگر نے شرکت کی۔ اجلاس کے دوران آرمی چیف کو لاہور دھماکے سے متعلق بریفنگ دی گئی۔

Int agencies to commence ops asap to find linkages&perpetrators of Lhr suicide attk. COAS resolved that we must bring the killers of our-2

— Gen(R) Asim Saleem Bajwa (@AsimBajwaISPR) March 27, 2016

اس موقع پر سربراہ پاک فوج جنرل راحیل شریف نے ہدایت کی کہ خفیہ ادارے لاہور دھماکے کے ذمہ داروں کا پتہ لگائیں اور دہشت گردوں اور ان کے سہولت کاروں کو جلد از جلد پکڑا جائے۔ ان کا کہنا تھا کہ وحشی درندوں کو اپنی زندگی اور آزادی کا خاتمہ نہیں کرنے دیں گے اور معصوم لوگوں کے قاتلوں کوانصاف کے کٹہرے میں لائیں گے۔

innocent brothers,sisters&children to justice &will never allow these savage inhumans to over run our life and liberty-3/3

— Gen(R) Asim Saleem Bajwa (@AsimBajwaISPR) March 27, 2016