وقار یونس نے عمران خان کو بھی ٹیم میں گروپ بندی کی تفصیلات سے آگاہ کردیا

وقار یونس نے عمران خان کو شاہد آفریدی کی ناقص کپتانی اور عمر اکمل و احمد شہزاد کی بُری پرفارمنس کے حوالے سے بتایا

Sports Reporter March 29, 2016

ہیڈ کوچ نے گذشتہ روز عمران خان سے ان کی رہائش گاہ پر ملاقات کی، فوٹو : فائل

PESHAWAR: پاکستان کرکٹ ٹیم کے ہیڈ کوچ وقار یونس نے سابق کپتان عمران خان کو بھی ٹیم میں گروپ بندی کی تفصیلات سے آگاہ کردیا۔

ذرائع کے مطابق ہیڈ کوچ نے گذشتہ روز 1992 ورلڈ کپ کی فاتح ٹیم کے کپتان اور تحریک انصاف کے سربراہ عمران خان سے ان کی رہائش گاہ پر ملاقات کی، اس موقع پر ورلڈ ٹی ٹوئنٹی میں قومی ٹیم کی پرفارمنس کے حوالے سے تبادلہ خیال کیا گیا۔

ذرائع کے مطابق وقار یونس نے عمران خان کو ٹیم میں گروپنگ سمیت دیگر مسائل سے آگاہ کیا۔یہ بات قابل ذکر ہے کہ سابق فاسٹ بولر نے بھارت سے وطن واپسی پر چیئرمین پی سی بی سے ملاقات میں ورلڈ کپ کے حوالے سے اپنی رپورٹ پیش کی تھی۔ وقار یونس نے عمران خان کو شاہد آفریدی کی ناقص کپتانی اور عمر اکمل و احمد شہزاد کی بُری پرفارمنس کے حوالے سے بتایا۔