وفاقی وزیراطلاعات اور ترجمان پاک فوج آج مشترکہ پریس کانفرنس کریں گے

مشترکہ پریس کانفرنس میں دہشت گردی کے خلاف پنجاب میں جاری آپریشن کی تفصیلات سے قوم کو آگاہ کیا جائے گا۔ فوٹو: فائل

---

وفاقی وزیر اطلاعات پرویز رشید اور پاک فوج کے ترجمان لیفٹیننٹ جنرل عاصم سلیم باجوہ آج مشترکہ پریس کانفرنس کریں گے۔

ایکسپریس نیوز کے مطابق وفاقی وزیراطلاعات سینیٹر پرویزرشید اورڈ ی جی آئی ایس پی آرلیفٹیننٹ جنرل عاصم سلیم باجوہ آج شام پونے 5 بجے پریس انفارمیشن ڈیپارٹمنٹ میں مشترکہ پریس کانفرنس کریں گے۔ مشترکہ پریس کانفرنس میں وفاقی حکومت اورپاک فوج کے ترجمان دہشت گردی کے خلاف پنجاب میں جاری آپریشن کی تفصیلات سے قوم کو آگاہ کریں گے جب کہ بلوچستان سے گرفتاربھارتی خفیہ ایجنسی کے افسربھوشن یادیوسے تفتیش میں ہونے والے انکشافات سے بھی پردہ اٹھائیں گے۔