امیتابھ بچن اور برطانوی کرکٹر فلنٹوف کی سوشل میڈیا پر نوک جھونک

برطانوی آل راؤنڈر کے جوابی ٹوئٹ میں امیتابھ بچن نے برطانوی کھلاڑی جوئے روڈ کو پہچاننے سے انکار کردیا، فوٹو:فائل

---

سابق برطانوی کپتان اینڈریو فلنٹوف اور بالی ووڈ کے میگا اسٹار امیتابھ بچن کے درمیان اپنی کرکٹ ٹیم کے کھلاڑیوں کو لے کر سوشل میڈیا پر دلچسپ نوک جھونک ہوئی۔

ورلڈ ٹی ٹوئنٹی کے فائنل سے قبل ہی سابق برطانوی آل راؤنڈر اینڈریو فلنٹوف اور بالی ووڈ اسٹار امیتابھ بچن کے درمیان سوشل میڈیا پر لفظی جنگ چھڑ گئی۔ سماجی رابطے کی ویب وسائٹ ٹوئٹر نوک جھونک کا آغاز اینڈریو فلنٹوف کے ٹوئٹ سے شروع ہوا جس میں انہوں نے ویرات کوہلی کی کارکردگی کی تعریف کرتے ہوئے کہا کہ کوہلی ایسے ہی کھیلتے رہے تو ایک دن جوئے روٹ بن جائیں گے جس کے جوابی ٹوئٹ میں امیتابھ بچن نے برطانوی کھلاڑی جوئے روڈ کو پہچاننے سے انکار کردیا جس کے جواب میں اینڈریو فلنٹوف نے شرارتاً امیتابھ بچن کو بھی پہچانے سے انکار کردیا۔

At this rate @imVkohli will be as good as @root66 one day ! Not sure who @englandcricket will meet in the final now !

— Andrew Flintoff (@flintoff11) March 27, 2016

Sorry who's this ? 😜 https://t.co/sjhs7HGT1d

— Andrew Flintoff (@flintoff11) March 27, 2016

انگلینڈ کی ٹیم کے ورلڈ ٹی ٹوئنٹی کے فائنل میں پہنچنے پر بھی سابق برطانوی آل راؤنڈر اینڈریو فلنٹوف کی شرارتیں ختم نہ ہوئیں اور انہوں نے میگا اسٹار امیتابھ بچن سے فائنل میچ کے لیے ٹکٹیں خریدنے کی فرمائش کردی۔

Shall we go to the final ? Reckon my mate @SrBachchan can get us a couple of tickets 😳 https://t.co/eEJTKGu5FU

— Andrew Flintoff (@flintoff11) March 30, 2016

واضح رہے کہ ورلڈ ٹی ٹوئنٹی کا فائنل اتوار کو انگلینڈ اور ویسٹ انڈیز کے درمیان کھیلا جائے گا۔