حمیمہ ملک بالی ووڈ کی فلم شیر میں گلیمرسے بھرپورکردار میں نظرآئیں گی

اس فلم میں حمیمہ اپنی پچھلی فلم بول سے خاصا مختلف اور گلیمرسے بھرپورکرداراداکرتی نظرآئیں گی۔ فوٹو: فائل

---

SUKKUR: پاکستانی اداکارہ حمیمہ ملک ایک نئے انداز میں ہدایت کار سوہم شاہ کی نئی فلم "شیر" میں نظر آئیں گی۔

گجرات انڈر ورلڈ کی عکاسی کرتی اس فلم میں اداکار سنجے دت، ویویک اوبرائے اور سنیل شیٹی شامل ہیں۔ حمیمہ اس فلم میں نمایاں کردار ادا کر رہی ہیں اور اس فلم میں وہ اپنی پچھلی فلم بول سے خاصا مختلف اور گلیمرسے بھرپورکرداراداکرتی نظرآئیں گی۔

ہدایت کارسوہم شاہ کے مطابق فلم کی زیادہ تر شوٹنگ مکمل کر لی گئی ہے اور صرف دو گانوں کی شوٹنگ باقی ہے جو حمیمہ پرپکچرائز کئے جائیں گے، انہوں نے کہا کہ یہ آئٹم سونگز نہیں ہوں گے مگر اس میں ناظرین حمیمہ کا ڈانس ضروردیکھ سکیں گے۔