ورلڈ ٹی 20 فائنلز علیم ڈار ویمنز میچ کو سپروائز کریں گے

علیم ڈار اور رچرڈ النگورتھ ویمن فائنل میں امپائرنگ کی ذمہ داریاں نبھائیں گے۔ فوٹو: فائل

---

اتوار کو شیڈول ورلڈ ٹی 20 فائنلز کیلیے آئی سی سی نے آفیشلز کا تقرر کردیا۔

کولکتہ کے ایڈن گارڈنز میں پاکستانی وقت کے مطابق دوپہر 2 بجے شیڈول ویمنز فائنل میں ویسٹ انڈیز اور 3 بار کی دفاعی چیمپئن آسٹریلیا کا سامنا ہوگا، اس کیلیے اینڈی پائی کرافٹ میچ ریفری جب کہ علیم ڈار اور رچرڈ النگورتھ فیلڈ امپائرز ہوں گے، نائجل لونگ تھرڈ اور ایس روی فورتھ آفیشلز کی ذمے داری نبھائیں گے۔

شام ساڑھے 6 بجے شیڈول ویسٹ انڈیز اور انگلینڈ کے درمیان فیصلہ کن معرکے کو ایلیٹ پینل میں شامل رنجن مدوگالے میچ ریفری ہوں گے، سری لنکا سے تعلق رکھنے والے کمار دھرماسینا اور روڈ ٹکر فیلڈ امپائر جب کہ ماریسس ایرسمس اور بروس اوکسنفورڈ بالترتیب تھرڈ اور فورتھ آفیشلز ہوں گے۔