ہنگو میں کوئلے کی کان بیٹھنے سے 5 مزدور جاں بحق

گزشتہ ماہ بھی اورکزئی ایجنسی میں کوئلے کی کان میں ہونے والے حادثے میں 6 کانکن جاں بحق ہوگئے تھے۔، پولیٹیکل انتظامیہ:فوٹو:فائل

---

اورکزئی ایجنسی کے علاقے ڈوالی میں کوئلے کی کان میں دھماکے سے کان بیٹھ گئی جس کے نتیجے میں 5 مزدور جاں بحق ہوگئے۔

ایکسپریس نیوز کے مطابق ہنگو میں اورکزئی ایجنسی کے علاقے ڈوالی میں کوئلے کی کان میں دھماکا ہوا، دھماکے سے کان بیٹھ گئی جس کے نتیجے میں 2 مزدور جاں بحق جب کہ کئی مزدورملبے کے نیچے دب گئے، پولیٹیکل انتظامیہ کی جانب سے ہنگامی بنیادوں پرامدادی کاروائیاں کی گئیں اوردبے مزدوں کو نکال کر اسپتال منتقل کیا گیا جہاں زخموں کی تاب نہ لاتے ہوئے مزید 3 مزدورجان کی بازی ہارگئے ۔

پولیٹیکل انتظامیہ کا کہنا ہے کہ جس کان میں آج حادثہ پیش آیا بغیر اجازت کھولی گئی تھی، جس پرمالکان کے خلاف سخت کارروائی کی جائےگی۔

واضح رہے کہ گزشتہ ماہ بھی اورکزئی ایجنسی میں کوئلے کی کان میں ہونے والے حادثے میں 6 کانکن جاں بحق ہوگئے تھے۔