RAWALPINDI: کوٹ شاکر کے قریب ٹرک اور ٹریکٹر ٹرالی میں تصادم کے نتیجے میں 7 افراد جاں بحق جب کہ 7 زخمی ہوگئے۔

ایکسپریس نیوزکے مطابق جھنگ میں کوٹ شاکر کے قریب تیز رفتار ٹرک مخالف سمت سے آنے والی ٹریکٹر ٹرالی سے ٹکرا گیا، تصادم کے نتیجے میں 7 افراد موقع پر ہی جاں بحق جب کہ 7 افراد زخمی ہوگئے۔ ریسکیو رضاکاروں نے موقع پر پہنچ کر زخمی افراد کوڈسٹرکٹ ہیڈ کوارٹر اسپتال جھنگ منتقل کیا جہاں ان کی طبی امداد جاری ہے۔ طبی عملے کا کہنا ہے کہ زخمیوں میں سے 2 حالت تشویشناک ہے۔

واضح رہے کہ گزشتہ روزجھنگ میں ہی اسی طرح کے ایک اور حادثے میں ایک ہی خاندان کے 7 افراد جاں بحق ہوگئے تھے۔