ہریتھک روشن نے عیسائیوں کے مذہبی جذبات مجروح کرنے پر معافی مانگ لی

بالی ووڈ کے ایکشن ہیرو ہریتھک روشن نے عیسائیوں کے مذہبی پیشوا پوپ فرانسس کی توہین پر معافی مانگ لی ہے۔

بالی ووڈ اسٹار ہریتک روشن نے گزشتہ دنوں سماجی رابطے کی ویب سائٹ ٹوئٹر پر عیسائیوں کے مذہبی پیشوا پوپ فرانسس کی توہین کی تھی جس پر ان سے مذہبی جذبات مجروح کرنے کے الزام میں معافی مانگنے کا مطالبہ کیا گیا تھا جس پر اداکار نے معافی مانگ لی ہے۔


بالی ووڈ اداکار ہریتھک روشن کا سماجی رابطے کی ویب سائٹ ٹوئٹر پرکہنا تھا کہ میرے لفظوں سے اگر کسی کے مذہبی جذبات مجروح ہوئے اور دل آزاری ہوئی تو اس پر معافی چاہتا ہوں۔