بھارتی کرکٹ ٹیم میں ویرات کوہلی اور رویندرا جڈیجا سب سے غصیلے کرکٹرز قرار دیے گئے ہیں۔

اسپنرز ہربھجن سنگھ اور ایشون سے جب پوچھا گیا کہ وہ کون سے دو پلیئر ہیں جوکہ جھگڑا کرنے کو تیار رہتے ہیں تو ہربھجن کا کہنا تھا کہ ویرات کوہلی ایسے ہی ہیں، وہ مانتے ہی نہیں کہ انھیں آؤٹ کیا گیا ہے، نیٹس میں بھی آئوٹ ہونے پر وہ تسلیم نہیں کرتے۔ ایشون نے کہا جڈیجا سے کوئی بھی چیز قبول کروانا نا ممکن ہے۔