بھارت کے جنگی جنون میں مزید اضافہ ہو گیا ہے اور روس نے بھارت کو ایک اور نیوکلیئر پاورڈ آبدوز دینے پر آمادگی ظاہر کر دی۔

غیر ملکی میڈیا کے مطابق روسی دفاعی حکام کا کہنا ہے کہ روس کی جانب سے ایک اور ایٹمی آبدوز بھارت کو دینے کے امکانات موجود ہیں، روس بھارت کے ساتھ مل کر فریگیٹس اورآبدوز بنانے کے منصوبے پر تعاون کیلیے بھی تیار ہے، اس سے قبل 2012 میں بھارت روس سے نیوکلیئر پاورڈ آبدوز لیز پر لے چکا ہے۔