پشاور زلمی کے مالک کا ورلڈ ٹی ٹوئنٹی جیتنے پر ڈیرن سیمی کیلئے 20 ہزار ڈالر انعام کا اعلان

جاوید آفریدی نے ڈیرن سیمی کو ٹی ٹوئنٹی ورلڈ کپ میں بہترین ٹیم اسپرٹ پر مبارکباد بھی دی۔ فوٹو: فیس بک۔

---

ٹی ٹوئنٹی ورلڈ کپ کا فائنل جیتنے پر پشاور زلمی کے مالک جاوید آفریدی نے ویسٹ انڈین کپتان ڈیرن سیمی کے لئے 20 ہزار ڈالر انعام کا اعلان کیا ہے۔

سماجی رابطوں کی ویب سائٹ ٹوئٹر پر اپنے پیغام میں جاوید آفریدی کا کہنا تھا کہ ٹی ٹوئنٹی ورلڈ کپ میں شاندار ٹیم اسپرٹ اور کارکردگی پر پشاور زلمی کی جانب سے ڈیرن سیمی کے لئے 20 ہزار ڈالر انعام کا اعلان کرتا ہوں۔

I here by announce a sum of USD:$20,000 for @darrensammy88 from Peshawar Zalmi platform for his excellent team spirit & over all performance

— جاوید آفریدی (@JAfridi10) April 3, 2016

واضح رہے کہ پاکستان سپر لیگ کے پہلے ایڈیشن میں ڈیرین سیمی پشاور زلمی کی جانب سے کھیل رہے تھے اور جاوید آفریدی اس فرنچائز کے مالک ہیں۔