ورلڈ ٹی ٹوئنٹی میں سپورٹ کرنے پر ڈیرن سیمی کا پاکستانی مداحوں کیلئے پشتو ویڈیو پیغام

ٹی ٹوئنٹی ورلڈ کپ میں سپورٹ کرنے پر آپ لوگوں کا بہت بہت شکرگزار ہوں، ڈیرن سیمی۔ فوٹو؛ فائل

---

ویسٹ انڈین ٹیم کے کپتان ڈیرن سیمی نے ٹی ٹوئنٹی ورلڈکپ کے دوران سپورٹ کرنے پر پاکستانی مداحوں کے نام پشتو میں اپنا ویڈیو پیغام جاری کیا ہے۔

سماجی رابطے کی ویب سائٹ انسٹاگرام پر اپنے ویڈیو پیغام میں ڈیرن سیمی کا کہنا تھا کہ اپنے پاکستانی مداحوں کے لئے ان کی زبان میں بات کرنے جا رہا ہوں۔ ٹی ٹوئنٹی ورلڈ کپ میں سپورٹ کرنے پر آپ لوگوں کا بہت بہت شکریہ۔

واضح رہے کہ پاکستان سپر لیگ کے پہلے ایڈیشن میں ڈیرین سیمی پشاور زلمی کی جانب سے کھیل رہے تھے اور جاوید آفریدی اس فرنچائز کے مالک ہیں اور انھوں نے ڈیرین سیمی کے لئے 20 ہزار ڈالر انعام کا اعلان کیا ہے۔ ڈیرن سیمی نے اس سے قبل بھارت کے خلاف جیت پر بھی پشتو میں ٹویٹ کیا تھا۔