ISLAMABAD: سی ٹی ڈی پولیس نے گلشن معمار کے قریب کارروائی کے دوران شدت پسند تنظیم داعش کے 2 اہم کمانڈر ہلاک کرنے کا دعویٰ کیا ہے۔

کاؤنٹر ٹیررازم ڈیپارٹمنٹ حکام کے مطابق کراچی کے علاقے گلشن معمار میں خفیہ اطلاع پر کارروائی کی گئی جس پر علاقے میں چھپے ہوئے دہشت گردوں نے پولیس پر فائرنگ کردی جس کے بعد اہلکاروں کی جوابی فائرنگ کے نتیجے میں 2 دہشت گرد ہلاک ہوگئے۔

ایس ایس پی سی ٹی ڈی کا کہنا تھا کہ ہلاک دہشت گرد شدت پسند تنظیم داعش کے اہم کمانڈر تھے اور دہشت گردی کی متعدد کارروائیوں میں ملوث تھے جب کہ ہلاک دہشت گردوں کے قبضے سے اسلحہ بھی برآمد ہوا ہے۔