KARACHI:
امریکی سیکرٹری دفاع لیون پنیٹا نے میڈیا سے بات چیت کرتے ہوئے کہا کہ سی آئی اے چیف کا عہدہ دیانتداری کا حامل ہو تا ہے، ڈیوڈپیٹریاس نےاستعفی دے کر درست قدم اٹھایا.
میڈ یا سےبات کرتےہو ئے امریکی وزیر دفاع کا کہنا تھا کہ ڈیوڈ پیٹریاس نے عہدے سے استعفیٰ دینے کا بالکل درست فیصلہ کیا ہے، ان کی ہمدردیاں سابق چیف کے اہلخانہ کے ساتھ ہیں اور وہ امید کر تے ہیں کہ اس سے سی آئی اے کی ساکھ متاثر نہیں ہو گی۔
افغانستان سے اتحادی افواج کےانخلا کے حوالےسے بات کر تےہو ئے ان کا کہنا تھا کہ چند ہفتوں میں فیصلہ کرلیا جائے گا کہ 2014 میں افغانستان سے اتحادی افواج کےانخلا کے بعد کتنی تعداد میں امریکی فوجی دستے رکیں گے، انہوں نے مزید کہا کہ امریکی فوج کے دستے افغان آرمی کی ٹرینگ کے لئے افغانستان میں رہیں گے۔