بھارتی ریاست اتر پردیش میں آتش بازی کے سامان میں دھماکے کے بعد آتشزدگی سے 8 افراد ہلاک جبکہ 12 زخمی ہوگئے۔
بھارتی میڈیا کے مطابق ریاست اتر پردیش کے قصبے یعقوب پور کے ایک گھر میں غیر قانونی طور پر آتش بازی کا سامان بنانے کے دوران دھماکہ ہوگیا جس کے بعد وہاں رکھے مواد نےآٓگ پکڑلی۔
دھماکے کے نتیجے میں 8 افراد موقع پر ہی ہلاک جبکہ 12 زخمی ہوگئے۔ مقامی افراد کے مطابق ہلاک ہونے والوں میں ایک ہی خاندان کے 6 افراد شامل ہیں۔ زخمیوں کو تشویشناک حالت میں کانپور کے اسپتال میں منتقل کردیا گیا ہے جہاں انہیں طبی امداد فراہم کی جارہی ہے۔