اداکارانوپم کھیرکو سری نگر ایئرپورٹ سے واپس بھیج دیا گیا

ISLAMABAD:
بالی ووڈ اداکار انوپم کھیر کو پولیس نے مقبوضہ کشمیر میں داخلے سے منع کردیا جس کے باعث انہیں ایئرپورٹ سے باہر نہیں جانے دیا گیا۔

بالی ووڈ اداکار انوپم کھیر نیشنل انسٹی ٹیوٹ آف ٹیکنالوجی سری نگر میں طلبا سے ملاقات کے لیے ایئرپورٹ پہنچے تو پولیس نے اداکار کو ایئر پورٹ پر روک لیا جس کے باعث وہ تعلیمی ادارے کا دورہ نہ کرسکے جب کہ ایئرپورٹ پر کچھ دیر انتظار کے بعد انہیں ایئرپورٹ سے ہی واپس بھیج دیا گیا۔


دوسری جانب اداکار انوپم کھیر نے سماجی رابطے کی ویب سائٹ ٹوئٹر پر اپنے پیغام میں کہا کہ میں نے پولیس سے کہا کہ میں سری نگر میں داخل نہیں ہوسکتا اور میرے داخلے پر پابندی ہے تو مجھے اس کے احکامات دکھائے جائیں جس کے بعد سے ایئرپورٹ پرہی موجود ہوں۔

واضح رہے کہ نیشنل انسٹی ٹیوٹ آف ٹیکنالوجی کے طلبا نے ورلڈ ٹوئنٹی کے سیمی فائنل میں ویسٹ انڈیز کے ہاتھوں بھارت کی شکست پر جشن منایا تھا جس کے باعث غاصب پولیس اور فوج کی جانب سے طلبا پر تشدد کیا گیا تھا۔