اداکارانوپم کھیرکو سری نگر ایئرپورٹ سے واپس بھیج دیا گیا

انوپم کھیر نیشنل انسٹی ٹیوٹ آف ٹیکنالوجی سری نگر میں طلبا سے ملاقات کے لیے ایئرپورٹ پہنچے تھے۔ فوٹو: فائل

---

ISLAMABAD: بالی ووڈ اداکار انوپم کھیر کو پولیس نے مقبوضہ کشمیر میں داخلے سے منع کردیا جس کے باعث انہیں ایئرپورٹ سے باہر نہیں جانے دیا گیا۔

بالی ووڈ اداکار انوپم کھیر نیشنل انسٹی ٹیوٹ آف ٹیکنالوجی سری نگر میں طلبا سے ملاقات کے لیے ایئرپورٹ پہنچے تو پولیس نے اداکار کو ایئر پورٹ پر روک لیا جس کے باعث وہ تعلیمی ادارے کا دورہ نہ کرسکے جب کہ ایئرپورٹ پر کچھ دیر انتظار کے بعد انہیں ایئرپورٹ سے ہی واپس بھیج دیا گیا۔

دوسری جانب اداکار انوپم کھیر نے سماجی رابطے کی ویب سائٹ ٹوئٹر پر اپنے پیغام میں کہا کہ میں نے پولیس سے کہا کہ میں سری نگر میں داخل نہیں ہوسکتا اور میرے داخلے پر پابندی ہے تو مجھے اس کے احکامات دکھائے جائیں جس کے بعد سے ایئرپورٹ پرہی موجود ہوں۔

I have been told by J&K police that I cannot enter Srinagar city at all. I have asked them to show me the orders. Still at the airport.

— Anupam Kher (@AnupamPKher) April 10, 2016

واضح رہے کہ نیشنل انسٹی ٹیوٹ آف ٹیکنالوجی کے طلبا نے ورلڈ ٹوئنٹی کے سیمی فائنل میں ویسٹ انڈیز کے ہاتھوں بھارت کی شکست پر جشن منایا تھا جس کے باعث غاصب پولیس اور فوج کی جانب سے طلبا پر تشدد کیا گیا تھا۔