اجے اورسوناکشی کی فلم ’’سن آف سردار‘‘ کو دیکھنے والوں کا رش

’سن آف سردار‘ نے پہلے ہی روز زبردست بزنس کیا ہے۔ فوٹو : فائل

---

بالی وڈاسٹاراجے دیوگن اورسوناکشی سنہا کی فلم ''سن آف سردار'' کو دیکھنے کے لیے فلم بینوں کی بڑی تعداد نے میٹروپول کا رخ کرنا شروع کردیا ہے۔

سینما گھروں کے سرکٹ میں نمائش کے لیے پیش کی جانیوالی بالی وڈاسٹارز کی فلم میں 'سن آف سردار' نے پہلے ہی روز زبردست بزنس کیا ہے۔ فلم کی کاسٹ میں معروف فنکار، منفردموضوع اورمیوزک نے فلم بینوں کو اپنی توجہ کامرکز بنا لیا ہے۔

آل پاکستان سینما مینجمنٹ ایسوسی ایشن کے چیئرمین قیصرثناء اللہ خان کا کہنا ہے کہ سرکٹ میں واقع سینما گھروں میں اس سے پہلے بھی بہت سی سپرہٹ فلمیں نمائش کے لیے پیش کی گئی ہیں لیکن جو رسپانس اس مرتبہ 'سن آف سردار' کی نمائش سے سامنے آیا ہے وہ پہلے نہیں تھا۔ شوکے اختتام پرسڑک بلاک ہوجاتی ہے اورفلم دیکھنے کے لیے آنے والوں کو لمبی قطار کے بعد ٹکٹ ملتی ہے۔ یہ سینما انڈسٹری کے لیے بہت خوش آیند بات ہے۔