سرگودھا میں سی ٹی ڈی کی کارروائی مبینہ دہشت گرد ماں بیٹی اور بہو گرفتار
گرفتار اور فرار ہونے والے دہشت گردوں کا تعلق ایک ہی خاندان سے ہے اور یہ لوگ میڈیا ہاؤسز پر حملوں میں ملوث ہیں، پولیس
گرفتار خواتین کے قبضے سے 2 خود کش جیکٹس اور 3 ہینڈ گرینیڈ بھی برآمد ہوئے، سی ٹی ڈی۔ فوٹو: فائل
لاہور خوشاب بائی پاس کے قریب سی ٹی ڈی پولیس نے کارروائی کر کے مبینہ طور پر دہشت گردی میں ملوث ماں، بیٹی اور بہو کو گرفتار کر لیا جب کہ باپ اور بیٹا فرار ہو گئے۔
ایکسپریس نیوز کے مطابق سی ٹی ڈی نے مصدقہ اطلاع پر سرگودھا میں لاہور خوشاب بائی باس کے قریب واقع ایک غیر استعمال شدہ مسجد میں کارروائی کر کے ماں، بیٹی اور بہو کو گرفتار کرلیا جب کہ باپ اور بیٹا فرار ہو گئے۔ پولیس حکام کا کہنا ہے کہ سی ٹی ڈی نے 2 گھنٹے کے مقابلے کے بعد 3 دہشت گرد خواتین کو گرفتار کر کے ان کے قبضے سے 2 خود کش جیکٹس اور 3 ہینڈ گرینیڈ برآمد کر لئے جب کہ ان کے 2 ساتھی فرار ہونے میں کامیاب ہو گئے۔
پولیس حکام کے مطابق گرفتار خواتین میڈیا ہاؤسز اور دیگر دہشت گرد کارروائیوں میں ملوث تھیں جب کہ فرار ہونے والوں میں مختار احمد اور عمر مختار شامل ہیں، مختار احمد میڈیا ہاؤسز پر حملے کا ماسٹر مائنڈ ہے۔ فرار ہونے والے دہشت گردوں کی گرفتاری کے لئے علاقے کا محاصرہ کر کے سرچ آپریشن بھی شروع کردیا گیا ہے۔
ایکسپریس نیوز کے مطابق سی ٹی ڈی نے مصدقہ اطلاع پر سرگودھا میں لاہور خوشاب بائی باس کے قریب واقع ایک غیر استعمال شدہ مسجد میں کارروائی کر کے ماں، بیٹی اور بہو کو گرفتار کرلیا جب کہ باپ اور بیٹا فرار ہو گئے۔ پولیس حکام کا کہنا ہے کہ سی ٹی ڈی نے 2 گھنٹے کے مقابلے کے بعد 3 دہشت گرد خواتین کو گرفتار کر کے ان کے قبضے سے 2 خود کش جیکٹس اور 3 ہینڈ گرینیڈ برآمد کر لئے جب کہ ان کے 2 ساتھی فرار ہونے میں کامیاب ہو گئے۔
پولیس حکام کے مطابق گرفتار خواتین میڈیا ہاؤسز اور دیگر دہشت گرد کارروائیوں میں ملوث تھیں جب کہ فرار ہونے والوں میں مختار احمد اور عمر مختار شامل ہیں، مختار احمد میڈیا ہاؤسز پر حملے کا ماسٹر مائنڈ ہے۔ فرار ہونے والے دہشت گردوں کی گرفتاری کے لئے علاقے کا محاصرہ کر کے سرچ آپریشن بھی شروع کردیا گیا ہے۔