برسلز حملوں کے مزید 2 ملزمان پر فرد جرم عائد

واضح شواہد ملے ہیں کہ دونوں ملزمان برسلز ایئرپورٹ پر خودکش حملہ کرنے والوں سے رابطے میں تھے، پراسیکیوٹر۔ فوٹو:فائل

---

بیلجیئم کی عدالت نے برسلز حملوں کے مزید 2 ملزمان پر فرد جرم عائد کردی۔

غیرملکی خبررساں ادارے کے مطابق بیلجیئم کی مقامی عدالت نے برسلز دھماکوں کے سہولت کار اسماعیل اور ابراہیم پر فرد جرم عائد کردی جن پر الزام ہے کہ وہ برسلز ایئرپورٹ پر حملہ کرنے والوں سے رابطے میں تھے۔ فیڈرل پراسیکیوٹر کا کہنا ہے کہ واضح شواہد ملے ہیں کہ دونوں ملزمان برسلز ایئرپورٹ پر خودکش حملہ کرنے والے دونوں حملہ آوروں میں سے کسی ایک سے رابطے میں تھے۔

واضح رہے کہ 22 مارچ کو برسلز ایئرپورٹ 2 اور میٹرو اسٹیشن پر ایک دھماکے کے نتیجے میں 32 افراد ہلاک اور 200 سے زائد زخمی ہوگئے تھے۔