انگلینڈ کے نوجوان بلے بازجیمزٹیلردل کی بیماری کے باعث کرکٹ سے ریٹائر

جیمز ٹیلر کو ڈاکٹروں نے مزید کرکٹ کھیلنے سے روک دیا ہے،فوٹو:فائل

---

انگلینڈ کی کرکٹ ٹیم کے نوجوان بلے باز جیمز ٹیلر نے دل کی بیماری کے باعث کرکٹ سے ریٹائرمنٹ کا اعلان کیا ہے۔

غیرملکی میڈیا کے مطابق برطانوی کرکٹ ٹیم کے نوجوان اور باصلاحیت بلے باز جیمز ٹیلر اب مزید کرکٹ نہیں کھیل سکیں گے،میڈیکل رپورٹ کے مطابق 26 سالہ جیمز ٹیلردل کےعارضے میں مبتلا ہیں جس کے باعث ڈاکٹروں نے انہیں مزید کرکٹ کھیلنے سے روک دیا ہے۔سماجی رابطے کی ویب سائٹ ٹوئٹر پر اپنے پیغام میں جیمز ٹیلر نے کہا کہ گزشتہ چند روز ان کی زندگی کے مشکل ترین دن تھے،میری زندگی الٹ پلٹ ہوکر رہ گئی ہے لیکن میں اس کا مقابلہ کررہا ہوں۔

Safe to say this has been the toughest week of my life! My world is upside down. But I'm here to stay and I'm battling on! #lifestooshort 😝🤒

— James Taylor (@jamestaylor20) April 12, 2016

واضح رہے کہ جیمز ٹیلرگزشتہ کچھ عرصے سے انگلینڈ کی ون ڈے کرکٹ ٹیم کا مستقل حصہ تھے اور وہ 27 ون ڈے میچز کے علاوہ 7 ٹیسٹ میچوں میں انگلینڈ کی نمائندگی کرچکے ہیں، جب کہ وہ انگلش کاؤٹنی میں نوٹنگھم کی جانب سے بھی کھیلتے تھے۔جیمز ٹیلر کی ریٹائرمنٹ پر کرکٹ حلقوں میں شدید افسوس کا اظہار کیا گیا ہے۔