لاہورمیں مسلح گروپوں میں تصادم سے 2 افراد جاں بحق 5 زخمی

جاں بحق ہونے والوں کی شناخت عمران اور زویب کے نام سے ہوئی، پولیس، فوٹو؛ فائل

---

تھانہ برکی کے علاقے پدری میں 2 گروپوں میں مسلح تصادم کے نتیجے میں 2 افراد جاں بحق اور 5 زخمی ہوگئے۔

ایکسپریس نیوز کے مطابق لاہور کے علاقے تھانہ برکی کی حدود پدری میں دو گروپوں میں مسلح تصادم ہوا جس میں دونوں جانب سے اندھا دھند فائرنگ کا تبادلہ کیا گیا جس کے نتیجے میں ابتدائی طور پر 2 افراد جاں بحق جب کہ 5 زخمی ہوگئے۔ ذرائع کے مطابق جاں بحق ہونے والے افراد کی شناخت عمران اور زوہیب کے نام سے ہوئی جن کی لاشوں کو شریف اسپتال منتقل کردیا گیا ہے جب کہ زخمی ہونے والے افراد کی حالت خطرے سے باہر بتائی جاتی ہے۔ پولیس نے واقعے کے بعد علاقے کو گھیرے میں لے کر سرچ آپریشن شروع کردیا۔