کابل میں 4راکٹ حملے شہری ہلاک بمباری سے 4نوجوان جاں بحق

افغانستان کے دارالحکومت کابل میں صدارتی محل کے قریب راکٹوں کے حملے میں ایک شخص ہلاک اور 3 زخمی ہوگئے۔


کابل کے پولیس چیف محمد ایوب سالنگی نے بتایا کہ کابل شہر میں صدارتی محل اور انٹرنیشنل ایئرپورٹ کے قریب مجموعی طور پر چار راکٹ فائر کیے گئے ہیں جن میں ایک راکٹ سے ایک راہ گیر ہلاک اورتین زخمی ہوگئے۔ ایک راکٹ نجی ٹی وی اسٹیشن پر آ گرا تاہم اس سے کوئی جانی یا مالی نقصان نہیں ہوا۔

دو راکٹ ایئرپورٹ کے قریب جاکر گرے، طالبان نے حملے کی ذمہ داری قبول کرلی۔ صوبہ لوگرمیں امریکی جاسوس طیارے نے حملہ کیا جس میں4 افغان نوجون ہلاک ہوگئے۔ افغان حکام کے مطابق ہلاک ہونیوالے ایک کھیت میں کاشتکاری کررہے تھے۔ صوبہ فرح میں مسلح افراد نے نیٹو فورسز کیلیے ایندھن لے جانے والے 11آئل ٹینکروں کو نذر آتش کر دیا۔