مشرقی نیپال میں مسافر بس کھائی میں گرنے سے 24 افراد ہلاک اور 30 زخمی ہوگئے جب کہ بیشتر زخمیوں کی حالت تشویشناک ہے جس کی وجہ سے ہلاکتوںمیں اضافے کا خدشہ ظاہر کیاگیاہے۔

غیر ملکی میڈیا کے مطابق حادثہ مقامی وقت صبح 8 بجے ضلع کھوٹانگ میں پیش آیا جہاں مسافر وں سے بھر ی کٹھمنڈوجانیوالی بس ڈرائیورکے کنٹرول سے باہر ہونے کے بعد پہاڑی سڑک سے پھسل کر150 میٹر گہری کھائی میں جا گری ۔ وزارت صحت کے حکام نے تصدیق کی ہے کہ حادثے میں 24 افراد ہلاک اور30 زخمی ہوئے ہیں جن میں 7 خواتین اور ایک 5 سالہ بچہ بھی شامل ہے۔