شردھا کپورایک دونہیں فلم راک آن 2 کے سارے گانے خود گائیں گی

مستقبل میں "رنویرسنگھ" اور"رنبیرکپور" کے ساتھ فلم میں کام کرنا چاہتی ہوں، شردھا کپور

ویب ڈیسک April 14, 2016

شردھا کپور اپنی نئی آنے والی فلم "باغی" میں ٹائیگرشرروف کے مد مقابل نظر آئیں گی۔

بالی ووڈ اداکارہ شردھا کپورکا کہنا ہے کہ وہ اپنی نئی آنے والی فلم "راک آن ٹو" میں سارے گانے خود ہی گانے گائیں گی۔

بھارتی میڈیا رپورٹس کے مطابق "عاشقی ٹو" سے اپنی کامیابی کا سفرشروع کرنے والی اداکارہ شردھا کپورکا کہنا ہے کہ وہ اپنی نئی آنے والی "راک آن ٹو" کے تمام گانے خود ہی گائیں گی جب کہ اداکارہ اس سے قبل بھی "عاشقی ٹو"، "حیدر" اور "اے بی سی ڈی ٹو" میں بھی اپنی آوازکا جادو دکھا چکی ہیں۔ اداکارہ کی نئی آنے والی فلم میں ان کے ساتھ اداکار فرحان اختر،ارجن رام پال، پراچی دیسائی اور پورب کوہلی بھی شامل ہیں۔

دوسری جانب اداکارہ نے "رنویرسنگھ" اور"رنبیرکپور" کے ساتھ فلم میں کام کرنے کی خواہش کا اظہارکیا ہے، انہوں نے کہا کہ وہ مستقبل میں ان اداکاروں کے ساتھ کام کرنے کی خواہاں ہیں۔

واضح رہے کہ شردھا کپور اپنی نئی آنے والی فلم "باغی" میں ٹائیگرشرروف کے مد مقابل نظر آئیں گی۔