عبوری کوچنگ کیلئے مشتاق فیورٹ غیرملکی مستقل کوچ کیلیے آرتھر اور مورس پر بھی غور

قومی کرکٹ ٹیم کے عبوری کوچ کی ذمہ داری سابق ٹیسٹ اسپنر مشتاق احمد کو سونپی جا سکتی ہے۔


وہ ان دنوں نیشنل اکیڈمی لاہور میں فرائض انجام دے رہے ہیں، اس سے قبل مشتاق بطور بولنگ کوچ اسکواڈ کا حصہ تھے، دوسری جانب غیرملکی مستقل کوچ کیلیے مکی آرتھر اور پیٹر مورس کے نام بھی سامنے آ گئے۔

ذرائع کے مطابق چیئرمین پی سی بی شہریارخان سابق آسٹریلوی بیٹسمین ڈین جونز کو ذمہ داری سونپنے کے حق میں نہیں ہیں، البتہ ہنٹ کمیٹی میں شامل سابق کپتان وسیم اکرم انھیں بھرپور سپورٹ کر رہے ہیں، یاد رہے کہ ڈین جونز اور وسیم اکرم پی ایس ایل کی ایک ہی فرنچائز اسلام آباد یونائٹیڈ کیلیے خدمات انجام دیتے ہیں۔