وزیراعظم اخلاقی جواز کھو دیں تو عہدے پر رہنے کا کوئی حق باقی نہیں رہتا عمران خان

جمہوریت میں وزیراعظم ایک مرتبہ اخلاقی جواز کھو دے تو وہ اپنے عہدے پر فائز نہیں رہ سکتا، عمران خان۔ فوٹو: فائل

---

پاکستان تحریک انصاف کے چیرمین عمران خان کا کہنا ہے کہ وزیراعظم نواز شریف کو یہ بات سمجھ کیوں نہیں آتی کہ اخلاقی جواز کھونے کے بعد ان کے پاس عہدے پر رہنے کا کوئی حق باقی نہیں رہا۔

سوشل میڈیا ویب سائٹ ٹویٹر پر جاری اپنے پیغام میں عمران خان کا کہنا تھا کہ پاناما لیکس میں نام آنے پر اسپین کے وزیر کو مستعفی ہونے کیلئے کسی کمیٹی کی ضرورت نہیں پڑی کیونکہ انھوں نے عہدے پر رہنے کا اخلاقی جواز کھو دیا تھا۔

Spanish minister resigns in wake of Panama Leaks & no inquiry committee was needed as he lost all moral authority to hold the position 1/2

— Imran Khan (@ImranKhanPTI) April 15, 2016

عمران خان نے کہا کہ یہ بات ہمارے وزیراعظم کو کیوں سمجھ نہیں آتی کہ جمہوریت میں وزیراعظم ایک مرتبہ اخلاقی جواز کھو دے تو وہ اپنے عہدے پر فائز نہیں رہ سکتا۔

2/2 Why doesn't our PM realise that in a democracy once a PM loses moral authority he cannot hold that office?

— Imran Khan (@ImranKhanPTI) April 15, 2016

واضح رہے کہ پاناما لیکس میں نام آنے پر اسپین کے وزیر صنعت نے حال ہی میں اپنے عہدے سے استعفیٰ دیا ہے جب کہ اس سے قبل آئس لینڈ کے وزیراعظم بھی مستعفی ہو چکے ہیں۔