اصغر خان کیس جن سیاستدانوں کے نام سامنےآئے ان پرپابندی لگائی جائے عمران خان

تحریک انصاف کےچیئرمین عمران خان نے کہا ہے کہ اصغر خان کیس میں جن سیاستدانوں کے نام سامنے آئے ہیں ان پر الیکشن کمیشن پابندی لگائے۔

اسلام آباد میں اصغر خان کےساتھ میڈیا سے بات چیت کرتے ہوئے عمران خان نے کہا کہ ملک میں سیاست بزنس کے لئے کی جارہی ہے جس کے نتیجے میں عوام غریب ہوتے جارہےہیں۔


تحریک انصاف کےچیئرمین کا کہنا تھا کہ جن سیاستدانوں پر سپریم کورٹ کے فیصلے میں ثابت ہوگیا ہے کہ انہوں نے آئی ایس آئی سےرقوم لیں وہ سیاسی سرگرمیاں ختم کردیں ، انہوں نے کہا کہ مسلم لیگ (ن) کا آئی ایس آئی سے رقم لینا ثابت ہوگیا ہے ، ایف آئی اے فوری طور پر اصغر خان کیس کی انکوائری کرے اور انکوائری افسر سپریم کورٹ کے ماتحت ہونا چاہئے۔

عمران خان نے کہا کہ مہران بینک اسیکنڈل انکوائری کے سربراہ جسٹس منیر کو قتل کر دیا گیا اس کیس کی بھی انکوائری کی جانی چاہئے کہ جسٹس منیر کو کس نے قتل کیا۔