خودکشی یا سیلفی کا شوق لاہورمیں ہوٹل کی چھت سے گرکرلڑکی کی ہلاکت نے نیا رخ اختیار کرلیا

پولیس نے ہوٹل انتظامیہ سے سی سی ٹی وی کیمروں کی ریکارڈنگ قبضے میں لے لی: فوٹو:فائل

---

ایجرٹن روڈ پر واقع نجی ہوٹل میں 16 سالہ لڑکی کے چھت سے گرکر ہلاکت کے معاملے نے نیا رخ اختیار کرلیا۔

ایکسپریس نیوزکے مطابق لاہورمیں ایجرٹن روڈ پرواقع نجی ہوٹل کی چھت سے لڑکی نے کود کرچھلانگ لگانے والے معاملے کا نیا رخ سامنے آگیا۔ لاریب کے والد نے پولیس کو بیان ریکارڈ کرایا کہ لاریب کوکبھی نہیں ڈانٹا، بٹیوں سے بہت محبت کرتاہوں ،لاریب ہوٹل کی چھت پرچڑھ کرسیلفی لے رہی تھی، حادثے کے وقت لاریب کی چھوٹی بہن بھی پاس موجودتھی جب کہ ہوٹل کے سیکیورٹی گارڈزنے اس کودیوارپرچڑھنے سے منع بھی کیاتھا ۔ لاریب کے کلاس فیلوز کا کہنا ہے کہ وہ شرارتی طبیعت اورسیلفی کی شوقین تھی۔

دوسری جانب پولیس نے ہوٹل انتظامیہ سے سی سی ٹی وی کیمروں کی ریکارڈنگ قبضے میں لے لی جب کہ ہوٹل کے ویٹرزاورسکیورٹی گارڈزکے بیان بھی ریکارڈ کیے گئے۔