بپاشا باسو اور کرن سنگھ نے شادی کی تیاریاں تیز کر دیں

اداکارہ کی یہ پہلی شادی ہے جب کہ کرن سنگھ تیسری مرتبہ شادی کا لڈو چکھیں گے۔ فوٹو : فائل

---

MINGORA: بالی وڈ اداکارہ بپاشا باسو اورکرن سنگھ گروور نے شادی کی تیاریاں تیز کردی ہیں، دونوں 30 اپریل کو شادی کا لڈو چکھیں گے۔

بھارتی میڈیا کے مطابق اداکارہ بپاشا باسو کی جانب سے شادی کی تیاری کے حوالے سے مصروفیات کی تصاویر بھی سماجی رابطہ کی ویب سائٹس پر شیئر کی گئی ہیں جن سے ظاہر ہوتا ہے کہ اداکارہ زندگی کے ان خاص لمحات کے پل پل کی خبر اپنے پرستاروں کے ساتھ شیئر کرنے کا ارادہ رکھتی ہیں۔ رپورٹ کے مطابق دونوں اداکاروں کے دوستوں نے الگ الگ پارٹی کا بھی اہتمام کیا ہے،واضح رہے کہ اداکارہ کی یہ پہلی شادی ہے جب کہ کرن سنگھ تیسری مرتبہ شادی کا لڈو چکھیں گے۔