ہالی ووڈ اداکارہ جینیفر آنسٹن دنیا کی خوبصورت ترین خاتون قرار

امریکی جریدے پیپل نے 2004 کے بعد اب ایک بار پھر جینیفرکو 2016 کی خوبصورت ترین خاتون قراردیا۔ فوٹو؛ فائل

---

امریکی جریدے پیپل نے ہالی ووڈ کی 47 سالہ اداکارہ جینیفر آنسٹن کو 2016 کی خوبصورت ترین خاتون قرار دے دیا ہے۔

امریکی اداکارہ جینیفر آنسٹن نے مشہور زمانہ ٹی وی سو ''فرینڈز'' سے شہرت حاصل کی اور کئی فلموں اور ڈراموں میں اداکاری کے جوہر بھی دکھائے جب کہ امریکا کے معروف جریدے پیپل نے 2004 کے بعد اب ایک بار پھر ہالی ووڈ اداکارہ کو ''ورلڈ موسٹ بیوٹی فل وومن 2016'' قرار دیا ہے یہی نہیں اداکارہ کی خوبصورتی کا اعتراف ان کی تصویر کو اپنی میگزین کے کور پر شائع کرکے کیا۔

And PEOPLE's World's #MostBeautiful 2016 is... JENNIFER ANISTON! 😍 https://t.co/4JJ4VZ2L0t pic.twitter.com/n8YWchQhbC

— People (@people) April 20, 2016

دوسری جانب 47 سالہ اداکارہ جینیفر دنیا کی خوبصورت ترین خاتون کا اعزاز ملنے پر خوشی سے نہال ہیں اور ان کا کہنا تھا کہ میرا کام ہی میری اصل خوبصورتی ہے اسی لیے خود اعتمادی اور یقین ہی انسان کو خوبصورت بناتا ہے۔