اسلامی تعلیمات سے آگاہی کے لیے قرآن مجید کا مطالعہ کررہی ہوں ہالی ووڈ اداکارہ

قران پاک کا مطالعہ کر رہی ہوں جسے مکمل ہونے میں ابھی خاصا وقت لگے گا، لنڈسے لوہان۔ فوٹو: فائل

---

KARACHI: ہالی ووڈ اداکارہ لنڈسے لوہان نے گزشتہ برس سوشل میڈیا پر وائرل ہونے والی اپنی ہاتھ میں قران پاک تھامے تصویر کی خود ہی وضاحت کردی۔

امریکی اداکارہ لنڈسے لوہان نے گزشتہ سال وائرل ہونے والے اپنی تصویر کی وضاحت کرتے ہوئے کہا کہ میں روحانیت سے گہری دلچسپی رکھنے والی خاتون ہوں لیکن میری قرآن پاک والی تصویر کو لے کر مختلف قسم کی باتیں کی گئیں۔ ان کا کہنا تھا کہ اسلامی تعلیمات سے آگاہی کے لیے قرآن مجید کا بغور مطالعہ کررہی ہوں اور بہت سی چیزوں کے بارے میں جاننا چاہتی ہوں۔

ہالی ووڈ اداکارہ کا کہنا تھا کہ مختلف چیزوں کے بارے میں مطالعہ کرتی ہوں اور قران پاک کا مطالعہ مکمل ہونے میں ابھی خاصا وقت لگے گا۔ انھوں نے کہا کہ میرے خاندان میں میری بہن بدھ مت ہے لیکن وہ بھی دوسری چیزوں کے بارے میں جاننے میں دلچسپی رکھتی ہے اور مجھ سے اسلام سے متعلق پوچھتی رہتی ہے۔

واضح رہے کہ گزشتہ سال ہالی وڈ اداکارہ کی ایک تصویر سوشل میڈیا پر وائرل ہوئی تھی جس میں انھوں نے اپنے ہاتھوں میں قرآن پاک تھاما ہوا تھا.