منوج باجپائی کو بہترین اداکاری پر’’دادا صاحب پھالکے‘‘ ایوارڈ سے نوازا جائے گا

بالی ووڈ اداکار کو ایوارڈ  فلم ’’علی گڑھ ‘‘ میں بہترین اداکاری پر دیا جائے گا۔ فوٹو؛ فائل

---

بالی ووڈ میں اپنے کردار میں ڈھل جانے کے حوالے سے شہرت رکھنے والے اداکار منوج باج پائی کو فلم ''علی گڑھ'' میں بہترین اداکاری پر فلم انڈسٹری کے سب سے بڑے ایوارڈ ''داداصاحب پھالکے'' سے نوازا جائے گا۔

بالی ووڈ اداکار منوج باجپائی نے فلمی کیرئیر کا آغاز1996 میں فلم ''دستک'' سے کیا جس کے بعد انہوں نے متعدد فلموں میں اداکاری کے جوہر دکھائے لیکن انہیں شہرت فلم ''ستیہ'' سے ملی جب کہ اپنے کیرئیر میں انہوں نے کئی قومی اور فلمی ایوارڈز بھی اپنے نام کیے ہیں تاہم اب انہیں فلم نگری کے سب سے بڑے ایوارڈ سے نوازا جارہا ہے۔

بالی ووڈ اداکار منوج باجپائی کو فلم ''علی گڑھ'' میں بہترین اداکاری پر فلم نگری کے سب سے بڑے ایوارڈ ''دادا صاحب پھالکے'' ایوارڈ سے نوازا جائے گا جس کی تقریب کل منعقد کی جائے گی جب کہ اداکار نے ایوارڈ ملنے پر خوشی کا اظہار کیا ہے۔

واضح رہے کہ فلم ''علی گڑھ'' میں اداکار منوج باجپائی نے پروفیسر کا کردار اداکیا تھا۔