میٹرو ٹرین منصوبے کی تکمیل سے ٹرانسپورٹ کے شعبہ میں انقلاب برپا ہوگاشہباز شریف

اورنج لائن میٹرو ٹرین منصوبے کی تکمیل کے دوران شہریوں کی مشکلات کا علم ہے، شہباز شریف فوٹو؛ فائل

---

وزیر اعلٰی پنجاب شہباز شریف کا کہنا ہے کہ اورنج لائن میٹرو ٹرین منصوبے کی تکمیل سے ٹرانسپورٹ کے شعبہ میں انقلاب برپا ہوگا۔

وزیراعلی پنجاب شہباز شریف لاہور میں پروٹوکول کے اورنج لائن میٹرو ٹرین کے منصوبے پر پیش رفت کا جائزہ لینے پہنچ گئے۔ اس موقع پر انہوں نے میٹرو ٹرین منصوبے کے روٹ کا دورہ کیا اور شہریوں اور دکانداروں سے منصوبے سے متعلق گفتگو کی۔

شہباز شریف نے کہا کہ انہیں اورنج لائن میٹرو ٹرین منصوبے کی تکمیل کے دوران شہریوں کی مشکلات کا علم ہے لیکن جلد ہی یہ تکلیف مستقل راحت میں بدل جائے گی، منصوبے کی تکمیل سے ٹرانسپورٹ کے شعبہ میں انقلاب برپا ہوگا ، میٹروٹرین کامنصوبہ عام آدمی کومعیاری ،باکفایت اورعالمی معیار کی تیز رفتار سفری سہولتیں فراہم کرے گا- طلبا، مزدور ،ملازمت پیشہ خواتین ،کسان ،ڈاکٹرز،نرسز اور عام شہری وقت پر منزل پر پہنچیں گے۔