شہریوں کے اغوا میں ملوث کراچی پولیس کے 4 اہلکار گرفتار

گرفتار ہونے والے چاروں پولیس اہلکاروں کے خلاف لانڈھی تھانے میں مقدمہ درج کرلیا گیا ہے، ایس ایس پی کورنگی ۔ فوٹو : فائل

---

لانڈھی پولیس نے کارروائی کرتے ہوئے شہریوں کے اغوا میں ملوث اپنے ہی پیٹی بند بھائیوں کو گرفتار کرلیا۔

ایکپسریس نیوز کے مطابق لانڈھی پولیس نے شہریوں کے اغوا کی اطلاع پرلانڈھی میں کارروائی کرتے ہوئے اپنے ہی 4 پیٹی بند بھائیوں کو گرفتار کرلیا۔ ایس ایس پی کورنگی کا کہنا ہے کہ لانڈھی سے گرفتار کئے جانے والے چاروں پولیس اہلکار شہریوں کے اغوا میں ملوث ہیں جن کے خلاف لانڈھی تھانے میں مقدمہ درج کرلیا گیا ہے۔

واضح رہے کہ 2 روز قبل ہی کورنگی کے علاقے قیوم آباد چوکی کے 2 پولیس اہکاروں کو بھی خاتون کے ساتھ مبینہ زیادتی کے الزام میں گرفتار کیا گیا تھا۔