یوٹیلٹی اسٹورز کارپوریشن میں بڑے پیمانے پر اکھاڑ پچھاڑ

نواب علی قادری کو ہیڈ آفس اسلام آباد میں پروجیکٹ منیجر تعینات کر دیا گیا ہے

اظہر جتوئی April 26, 2016

نواب علی قادری کو ہیڈ آفس اسلام آباد میں پروجیکٹ منیجر تعینات کر دیا گیا ہے، فوٹو: فائل

یوٹیلٹی اسٹورز کارپوریشن (یوایس سی) میں بڑے پیمانے پر اکھاڑ پچھاڑ شروع ہوگئی، نئے منیجنگ ڈائریکٹر نے 1دن میں 45 افسران کے تبادلے کر دیے، 7 نااہل جنرل منیجرز کی جگہ اہل، ایماندار اور محنتی جنرل منیجرز کا تقرر جبکہ 6 زونل منیجرز کو بھی تعینات کر دیا گیا۔

''ایکسپریس'' کو موصولہ دستاویزات کے مطابق وزارت صنعت و پیداوار کے ذیلی ادارے یوٹیلٹی اسٹورز کارپوریشن میں عنایت اللہ دولہ کو سینئر جنرل منیجر ایچ آر، جاوید منظور غوری کو جنرل منیجر ایس او اینڈ ایس، جہانزیب خان کو جنرل منیجر پروجیکٹ، سید حیدر رضا بخاری جنرل منیجر انشورنس، کمال مصطفی جنرل منیجر ویجیلنس، شادی خان جنرل منیجر لیگل تعینات کیے گئے ہیں، 6 افسران کو زونل منیجر لگایا گیا ہے، ان میں محمد ارشد رانجھا کو زونل منیجر سرگودھا، مہتاب شاہ زونل منیجر ایبٹ آباد، مختار خٹک کو زونل منیجر پشاور، غلام مرتضی کو زونل منیجر اسلام آباد، فیضان حمید کو زونل منیجر لاہور، جاوید مصطفی کو زونل منیجر ملتان تعینات کر دیا گیا ہے۔

نواب علی قادری کو ہیڈ آفس اسلام آباد میں پروجیکٹ منیجر تعینات کر دیا گیا ہے، عظمت اللہ کو ایڈمن افسر ہیڈ آفس، توصیف احمد گل کو ویجیلنٹ آفیسر ہیڈ آفس، خرم عباس کو ریجنل منیجر سرگودھا، شیر اعظم کو ریجنل منیجر ایبٹ آباد، ظہور احمد کو ریجنل منیجر پشاور ساؤتھ، عطاالرحمن ریجنل منیجر کراچی نارتھ ریجن، غلام عابد کو اسسٹنٹ اسٹورز آپریشنل آفیسر زونل آفس کراچی، محمد انور بلوچ کو ریجنل منیجر خوشاب، آصف عمران کو ریجنل منیجر لورالائی اور عاطف اسلم کو اسسٹنٹ اسٹورز آپریشن آفیسر زونل آفس کوئٹہ سمیت دیگر افسران کی تعیناتی کر دی گئی ہے۔