متعدد وارداتوں میں ملوث ٹارگٹ کلر گرفتار اسلحہ برآمد

ایس ایس پی ایس آئی یو فاروق اعوان نے بتایا کہ گرفتار ٹارگٹ کلر کی نشاندہی پر 5 کلاشنکوف ، 2 ٹی ٹی پستول اور سیکڑوں گولیاں برآمد کر لی گئیں. فوٹو: اے ایف پی/فائل

---

اسپیشل انویسٹی گیشن یونٹ پولیس نے کورنگی کے علاقے K ایریا میں خفیہ اطلاع پر کارروائی کرتے ہوئے ٹارگٹ کلر سعیدعالم عرف منا بنگالی کو گرفتار کر لیا ہے ۔

ایس ایس پی ایس آئی یو فاروق اعوان نے بتایا کہ گرفتار ٹارگٹ کلر کی نشاندہی پر 5 کلاشنکوف ، 2 ٹی ٹی پستول اور سیکڑوں گولیاں برآمد کر لی گئیں، انھوں نے بتایا کہ گرفتار ٹارگٹ کلر کورنگی زمان ٹائون کے علاقے میں ہونیوالی متعدد ٹارگٹ کلنگ کی وارداتوں میں ملوث ہیں علاوہ ازیں ایسٹ زون پولیس نے مختلف علاقوں میں کارروائیاں کرتے ہوئے 58 ملزمان کو گرفتار کر لیا۔