پاک بھارت انڈسٹری میں سیاست رکاوٹ ہے کبیر خان

پاکستان آکر خوشی کا احساس ہورہا ہے، کبیر خان

Agencies/staff Reporter April 27, 2016

بھارتی ہدایت کار کی کراچی آمد پر سول سوسائٹی کی طرف سے احتجاجی مظاہرہ فوٹو: فائل

بالی وڈ کے معروف ہدایت کار اور فلم ''بجرنگی بھائی جان'' کے ہدایت کار کبیر خان کا کہنا ہے کہ پاکستان اور بھارت کی فلم انڈسٹری کے درمیان سیاست رکاوٹ ہے لیکن سیاست چلتی رہتی ہے لہٰذا دونوں طرف کی حکومتوں کو چاہیے کہ وہ فنکاروں کو آنے جانے کی مکمل آزادی دیں۔

معروف بھارتی ہدایت کار کبیر خان پاکستان میں ''ٹیکنالوجی کانفرنس'' میں شرکت کے لیے آئے ہیں جہاں کراچی کے مقامی ہوٹل میں گفتگو کرتے ہوئے انھوں نے کہا کہ پاکستان آکر خوشی کا احساس ہورہا ہے، کچھ ماہ قبل لاہور آیا تھا لیکن کراچی پہلی بار آیا ہوں۔ انھوں نے کہا کہ پاکستان میں میری فلم ''فینٹم'' پر پابندی لگی جس کی وجہ مجھے سمجھ آگئی ہے کہ وہ سیاسی فلم تھی۔

دریں اثنا سول سوسائٹی کی جانب سے بھارتی ہدایتکار کبیر خان کے خلاف مقامی ہوٹل کے سامنے احتجاجی مظاہرہ کیا گیا جہاں انھوں نے سکونت اختیار کر رکھی تھی،مظاہرین نے ہاتھوں میں چارٹ اور بینرز اٹھا رکھے تھے،انھوں نے مطالبہ کیا کہ کبیر خان نے بھارتی فلم''فینٹم''میں پاک آرمی کی کردار کشی کی ہے انھیں پاکستان سے نکالا جائے ۔