سابق سٹی ناظم متحدہ سے تعلق پر پہلے خود گرفتاری دیں کارکنوں کا ردعمل

ایم کیو ایم کے کار کنوں نے کہاہے کہ پارٹی سے عزت پا کر اسے چھوڑنے والے ایم کیو ایم پر راکے ایجنٹ کا الزام لگا کرمہاجروں کو بدنام کر رہے ہیں۔


نائن زیر و پر جمع ہونے والے کار کنوں نے کہاکہ حکومت اور وزیر اعظم سے جواب اور وضاحت مانگنے والے پہلے راکی ایجنٹ پارٹی سے سٹی ناظم ہونے کے جرم میں اپنی گرفتاری دیں اورعدالتوں میں ایم کیو ایم پر اپنی جانب سے لگائے جانے والے الزامات کاثبوت پیش کریں۔ کارکنوں کا کہنا ہے کہ ماضی میں بھی دوسروں کے کاندھوں پر سواری کرنے والوں کو مال تو مل گیامگر عزت نہ مل سکی۔

باغ جناح کی جلسی دیکھ کر آنے والوں کو واپسی کے کاغذات تیار کر لینے چاہئیں،عوام ان کے مکروہ چہروں کواچھی طرح پہچان چکے ہیں۔