ملائکہ اروڑہ کا شراب اور سگریٹ کے اشتہارات میں کام نہ کرنے کا اعلان

شراب ، سگریٹ اور چہرہ نکھارنے والی کریمز کی تشہیر نہیں کروں گی، بالی ووڈ اداکارہ، فوٹو؛ فائل

---

بالی ووڈ میں منی کے نام سے مشہور اداکارہ اور دبنگ سپر اسٹار سلمان خان کی بھابھی ملائکہ اروڑہ خان نے شراب، سگریٹ اور چہرہ نکھارنے والی کریمز کے اشتہارات میں کام نہ کرنے کا اعلان کردیا۔

بالی ووڈ اداکاراور اداکارائیں اپنی شہرت کے باعث کئی مختلف اقسام کی اشیا کے تشہیر کرتے اشتہارات میں نظر آتے ہیں جس کے باعث کئی اداکاروں کو پروڈکٹ میں نقائص کے باعث تنقید اورمقدمات کا سامنا بھی کرنا پڑتا ہے اور کئی مسائل کا شکار ہوجاتے ہیں تاہم اب بالی ووڈ کی منی نے کسی بھی ایسے اشتہار میں کام کرنے سے انکار کردیا ہے۔

میڈیا رپورٹس کے مطابق اسٹار سلمان خان کی بھابھی ملائکہ اروڑہ خان نے شراب، سگریٹ اور چہرا نکھارنے والی کریمز کے اشتہارات میں کام نہ کرنے کا اعلان کیا ہے جب کہ اداکارہ کا کہنا تھا کہ شراب ، سگریٹ اور چہرہ نکھارنے والی کریمز کی تشہیر نہیں کروں گی کیوں کہ میں نے زندگی میں کبھی بھی ان پروڈکٹس پر یقین نہیں کیا، کوئی بھی چہرہ نکھارنے والی کریم جسے میں صحیح نہیں سمجھوں گی اس کی تشہیر بھی قطعی طور پر نہیں کروں گی۔

واضح رہے کہ بالی ووڈ اداکارہ ملائکہ اروڑہ خان نے اپنے شوہر ارباز خان سے اختلافات کے باعث کنارہ کشی اختیار کی ہوئی ہے۔