اکشے کمار نے اپنے مداح سے معافی مانگ لی

گزشتہ دنوں بالی ووڈ اسٹارکے محافظ نے سیلفی لینے کی کوشش پر مداح کو تھپڑ رسید کردیا تھا ،فوٹو:فائل

---

RAWALPINDI: بالی ووڈ میں خطروں کے کھلاڑی کے حوالے سے شہرت رکھنے والے اداکار اکشے کمار نے محافظ کی جانب سے مداح کو تھپڑ مارنے پر معافی مانگ لی ہے۔

بالی ووڈ اسٹار اکشے کمار اپنے کردار میں رنگ بھرنے کے لیے جان کو خطرے میں ڈالنے کے علاوہ اپنی دوستی اور نرم رویئے سے بھی پہچانے جاتے ہیں یہی وجہ ہے کہ اب انہوں نے اپنے محافظ کی جانب سے غلطی پر اپنے مداح سے معافی مانگ لی ہے۔

گزشتہ دنوں بالی ووڈ اسٹار اکشے کمار کے محافظ نے سیلفی لینے کی کوشش پر مداح کو تھپڑ رسید کردیا تھا جس پر اب خطروں کے کھلاڑی نے غلطی کا احساس ہونے پر اپنے مداح سے معافی مانگ لی ہے جب کہ اداکار اکشے کمار کا سماجی رابطے کی ویب سائٹ ٹوئٹر پر کہنا تھا کہ ممبئی ایئر پورٹ پر مداح کے ساتھ جو ہوا اس کا مجھے علم نہیں تھا تاہم میں اپنے مداح سے محافظ کی جانب سے مکا رسید کرنے پر معافی مانگتا ہوں کیوں کہ میرے مداح میرے لیے بہت اہم ہیں اسی لیے محافظ کی مداح کے ساتھ بد تمیزی کا علم ہونے پر سخت تنبیہ کی ہے۔

What happened that day was unfortunate and uncalled for. I was at the airport and I heard a commotion which… https://t.co/bkRW5CZJHx

— Akshay Kumar (@akshaykumar) April 29, 2016

واضح رہے کہ گزشتہ دنوں بالی ووڈ اسٹار اکشے کمار کے ایئرپورٹ سے گھر روانگی کے دوران مداح نے سیلفی لینے کی کوشش کی تھی جس پر اداکار کے محافظ نے مداح کو مکا رسید کیا تھا۔