بپاشا باسواورکرن سنگھ گروورشادی کے بندھن میں بندھ گئے

اداکار کرن سنگھ کی یہ تیسری شادی جب کہ بپاشا کی یہ پہلی شادی ہے۔ فوٹو: اے ایف پی/فائل

---

لاہور: بالی وڈ اداکارہ بپاشا باسو اداکار کرن سنگھ گروور سے شادی کے بندھن میں بندھ گئیں جہاں دونوں ان کی شادی کی تقریب کا انعقاد ممبئی کے ایک ہوٹل میں ہوا۔

بالی ووڈ اداکارہ بپاشہ باسو اور اداکار و ماڈل کرن سنگھ شادی کے بندھن میں بندھ گئے، دونوں اداکاروں کی شادی کی تقریب کا انعقاد ممبئی کے ایک ہوٹل میں ہوا، شادی کے موقع پر37 سالہ بپاشا باسو نے روایتی سرخ عروسی لباس زیب تن کیا جبکہ 34 سالہ کرن سنگھ نے سفید شیروانی کا انتخاب کیا تھا۔

گزشتہ روز انجام پانے والی شادی کی تقریب میں دولہا دلہن کے اہل خانہ، دوست احباب کے علاوہ متعدد فلمی شخصیات نے بھی شرکت کی اور اس جوڑے کو شادی کی مبارکباد دی، اداکارکرن سنگھ کی یہ تیسری شادی جب کہ بپاشا کی یہ پہلی شادی ہے۔

واضح رہے کہ دونوں اداکاروں کی دوستی کی خبریں 2015 میں ریلیز ہونے والی ہاررفلم "الون" کے بعد میڈیا کی زینت بنیں تھی۔