مصرکے صدر محمد مرسی 22 نومبر کو پاکستان پہنچیں گے

مصرکے صدر محمد مرسی 22 نومبر کوپاکستان پہنچیں گے ،دونوں ممالک کے صدور علاقائی و بین الاقوامی معاملات اور باہمی دلچسپی کے امورپرتبادلہ خیال کریں گے ۔


ایکسپریس ٹریبیون کےمطابق مصری صدر محمد مرسی اپنے دورے کے دوران پارلیمنٹ کے مشترکہ اجلاس سےخطاب ، صدر، وزیراعظم ، آرمی چیف اور سیاسی قائدین سے بھی ملاقات کریں گے جبکہ انہیں ڈاکٹریٹ کی اعزازی ڈگری بھی دی جائےگی۔ تاجروں کا وفد بھی محمد مرسی کے ہمراہ پاکستان آئے گا۔

ذرائع کے مطابق دونوں ممالک کےدرمیان جلد ہی وزارتی سطح پربھی مذاکرات شروع ہوں گے۔ واضح رہے کہ 37 سال بعد کوئی بھی مصر ی صدر پاکستان کا دورہ کررہے ہیں۔